453. Kan nghak reng che kan Lalber

Verse 1

Kan nghak reng che kan Lalber,

Khawvel hrehawm thim hnuaiah;

I buatsaih Salem khawpui, aw, ka ngai tawh mang e

Khawvel hrehawmna leh thim hnuaiah leng mah ila,

Hmangaiha min zawngtu chu ka ngaibang thei lo ve.

Chorus 1

Van ropui, Eden th ar nuam chu,

Lungngaih awm tawh lohna hmun chu;

Aw engtik nge ka thlen ve ang,

I chatuan lalna ram, eng mawi nuam tak chu?

Verse 2

Lo hnai rawh, ka Chhandamtu,

Ral a lian khawvelah hian;

Thisena i tlan sate lungngaiin an tap e,

Khawvel i fan laia i thlaphanna Kalvari,

Hmelmate an lo kal e, i ram dotute chu.

Chorus 3

Van ropui, Eden th ar nuam chu,

Lungngaih awm tawh lohna hmun chu;

Aw engtik nge ka thlen ve ang,

I chatuan lalna ram, eng mawi nuam tak chu?

Verse 4

Aw, khawiah nge Chhandamtu,

Zion tlang ralmuanna chu?

Sual tlenfaina hmangaih tui, kan tan i luanna chu,

Sual dan chahna kulhpui, i chatuan van khua leh tui,

Chhandam fa i zar mawia lawma an lenna chu.

Chorus 5

Van ropui, Eden th ar nuam chu,

Lungngaih awm tawh lohna hmun chu;

Aw engtik nge ka thlen ve ang,

I chatuan lalna ram, eng mawi nuam tak chu?

Verse 6

Aw, khawvel hi a ral ang,

Rei lo tean a ral ang;

Chhandamtu a au vang a, lei ram kan pel tawh ang,

Krista hmangaihtuten Lal ropuina an chang ang,

Hmangaihna a fawn vel e, lawm r'u, Haleluia!

Chorus 7

Van ropui, Eden th ar nuam chu,

Lungngaih awm tawh lohna hmun chu;

Aw engtik nge ka thlen ve ang,

I chatuan lalna ram, eng mawi nuam tak chu?