1. Songs

496. Pathian angchhung thianghlimah chuan

Mizo HlaBu Pui

Verse 1

Pathian angchhung thianghlimah chuan,

Thihna fate an chawl ang;

Mak an la ti hle ang tah chuan,

Hremhmun meia an chhuahna.

Pathian fakna,

Vanah a tawp tawh lo vang.

Verse 1

Sual laka a tlan vang khanin,

Chhandamtu Lalpa Isua;

Chatuan hmun nuam an thlen hunin,

Zaiin an fak fo vang a.

Tingtang tumte,

Vanah a tawp tawh lo vang.

Verse 2

Mihring thinlunga lut ngai lo,

Mit hmuh loh, benga hriat ngai loh,

Lalpan a hmangaihtute tan

A buatsaih kha an chang ang.

An nunkhaw nawm,

Kumkhuain a zual zel ang.

Verse 3

Pathian hmaah puan var sinin,

Chhun zan zawmin an awm ang;

Riltam, tuihal tuar tawh lovin,

Nuam zawng zawng an nei reng ang.

Hrehawm reng reng,

Chatuanin an tuar lo vang.

Verse 4

Jerusalem thar nuamah chuan,

Thih leh nat, lusun, thlaphan;

Mangan leh hah hre tawh lo chuan,

An ning lo'ng ennawm thlir fan.

Lalpa hmangaih,

Bang lovin an fak fo vang.

Present this song in WorshipOne →Ready-made slides, chord transposition and mobile remote control.
Share
Transpose in WorshipOneEdit in WorshipOne

More Mizo songs

All songs