582. Chatuan Pathian finnaah chuan

Verse 1

Chatuan Pathian finnaah chuan,

Mihring amah maia awm hi,

Tha ti lovin kawppui tur a siam a,

Inneihna thianghlim a din ta.

Mim ang piang hmun lo kar hla pawh,

Kumtluanga leng dun turin,

Thinlung chhungril hmangaiha suihkhawmin,

A mak mang e - Lal remruat chu.

Chorus 1

Kan sawm che Isu, kan zingah,

He inneih ruai min kilpuia'n;

Lalber la, kan thinlung chhungah,

Hmangaihna Uain tipung zel rawh.

Verse 2

Lalpa kan unauten tunah,

I chenna chhungkaw din turin,

Tiamthu an hlan, Nangin hriatpui ang che,

An dinna lungpui nghet ni la.

Hmatiangah harsat, manganna,

Bawrhsawmna pawh thleng mah se,

An tawn apiang an hmangaih tizualtu,

Chatuan thlengin ni zel rawh se.

Chorus 3

Kan sawm che Isu, kan zingah,

He inneih ruai min kilpuia'n;

Lalber la, kan thinlung chhungah,

Hmangaihna Uain tipung zel rawh.