399. INN KA PUINAW INN

Verse 1

Kholipi lungkhu kya ka um ccyh lyakhe,

Lae vaw hoynaw tynre ka tung lya nin ccyh;

Khua ka ccong ramkaw ka um lya ccyh zemah,

Nang haw lungdae ngaengansatu um boi khyh.

Chorus 1

Inn ka puinaw inn, Puithya khyh zemah;

Zungzae nang kae ngae cih.

Verse 2

Zinung sawvang awkaw kae umnaw inn kya,

Puithua ccungccingte leih kae paenaw kae inn;

Innsung sarang miakaw balyn leih um hae,

Haepaw phuinccing nynh naan leite leih paw hae.

Verse 3

Ramccang pavaw te tuikhinringnung roi nynh,

Mua te ram takyh lungpaw lan umsah hae;

Muazung haepawnung kaw e kae innpi tuh,

Dae boi lei lante Pachia hlaphua ring cih.