359. NAE LUNGTUA SAH LAH

Verse 1

Nae lungtua sah lah Pachia nynh thaw oun ccih,

A Ccapaw kha oun shawpah zah; A chii te oun sing

pawcce aa ah ri oh, Jesu ah Bawipaw lang tang vae.

Chorus 1

Vaawlang Pachia kha aening elang,

Khawta aening elang;

Hummah oun rawsepaw (hum) 3

Hum-aa-mou oun raw, oun rawsepaw.

Verse 2

Nae thawsae sah lah nae lung kha mah tua sah, Pachia

nynh oun do nynkae tuh; Nin takyh oun do vaawlang

Siapharan nynh, Aening ah thaw asae nawlan.

Verse 3

Pachia kya reku nae lungthin balynte, Zungzae

a hiinpaw ah Pachia; Laephi roh sah lah Amaw

bya atyn cih, Jesu kuih kyakhe um oh sih.

Verse 4

Bawipaw kya umtua lungdaenaw na mue cih, Hiinnaw

tynre a umnaw kya; Anyaapaw ccungccaw a kuih te

yn tho cih, Zungzae tynpaw Bawi nynh athua.