418. MAEKING PONG YN POU TE

Verse 1

Apuithyapaw mua vawlan e maeking kha yn

thou tetuh, Tuidy te vawkhu kya balyn

lungtuanaw khuanin apaw; Sawdoihpaw kyate

Pachia byakinnaw tuh nythui lan vae, Aening balyn

tungku ccyh kya maeking kha be oun pou cih.

Chorus 1

Laephi vaw tungku hawte, vaawlang khua

bua tungku lan; A aw huapaw awnaw lungkhu

houh lungtuanaw ah mue cih oh, Aening balyn

tungku ccyh kya maeking kha be yn pou cih.

Verse 2

Ccungccaw b’lyn nynh laephi vawlan menaw kha

palei rae hae, Khuazi lungkhu ryalaw lya tuh

sungsaku bya a vuasya; Oun Khumpaw nynh rang

oh lah nae ryalaw mee kae pya cih oh, Awkhua ccyh

tungku thuinaw kya maeking kha be yn pou te.

Verse 3

Ah luki lang maeking kha phe oun kae oun zo koute

tuh, Ah sungsah oh paw vaeccaw hae ry aening

tungku oh ve; Khuazinaw ram tui khuraw lang khua

awpaw kha oun thua vae, Khuaruaru awnaw kha

muih lan maeking kha be yn thyaa tuh.