199. BAWIPAW TUH KYA TUURIN

Verse 1

Haeungnaw te lungtua nin,

Thehoysah awnaw nin, Ngaethya

khuaruaru dannaw; Apuithya a

awhua, Mirum ryachi hae nynh

mah, Paaw, Ccaaw, Muisaw min te,

Athyaa, Athyaa, Athyaa hua,

cite hlaw leih sah hae.

Verse 1

Haeungnaw te lungtua nin,

Awnaw tho takawnaw,

Khumtu Jesu thoothui nin,

Aening lungtuanaw nin;

Bawipaw nynh ryachinaw tae zah,

Muisaw yn rungbung nyn,

Phu-e sunghua nin kya tuh,

Awnaw phuin thum oun pya.

Verse 2

Muisaw vuelawpaw hanlan,

Vaaw manna oun pya hae,

Athyaapaw pumkunaw kalan,

Mungkae te a ko hae;

Pachia thehoypaw bya tuh,

Khuanin hawte apaw,

Hiinnaw tuidy nynh lua zah,

Muisaw mah a hiinsah.

Verse 3

Haeungnaw te lungtua nin,

Hythuanaw bua mue oh,

Lonaw thawpaw kya tee vae

ze lungtuanaw thang khyh;

Haeungnaw te lungtua nin,

Yn pouthui makhia tuh,

Paaw, Ccapaw te Thyaa Muisaw,

Thehoysah te um sah.