86. Hlim takin i chawimawi ang u kan remna Lal lo piang hi

Verse 1

Hlim takin i chawimawi ang u,

kan Remna Lal lo piang hi,

A lalthuthleng, a mi thianghlim,

lallukhum hnutchhiah vekin,

Keini suala vakvaite

chhandamna kawng min rawn hrilh i,

Fak rawh u, chi tin,

tawng tinin Lalber chu chawimawi chiam r'u.

Chorus 1

A fakna a dai tawh lo'ng,

Khawvel tawp hun thleng pawhin;

Ni tin, kum tin, a fakna a zual zel ang chatuan thlengin,

Lei leh van ral hnu pawhin angel varho nen kan fak ang.

Verse 2

Bawng in tlawmah lo piangin

ranthlengah lo mu mah sela,

Amah mi lian a ni, a ramin kin ni a nei lo vang;

Chhak, thlang, chhim leh hmara mi,

thihna daihlim hnuaia thute,

A lalna fakin ni tin, thla tin,

kum tin an pung zel ang.

Chorus 3

A fakna a dai tawh lo'ng,

Khawvel tawp hun thleng pawhin;

Ni tin, kum tin, a fakna a zual zel ang chatuan thlengin,

Lei leh van ral hnu pawhin angel varho nen kan fak ang.

Verse 4

Eden hunah Setana'n kan lallukhum min chhuh hnu kha,

Tunah hian kan Lal Isuan a hneh a, minrawn pe leh ta,

Chuvangin, nula, tlangval, naupang, pitar, putar, mi tin,

Lalberte Lalber fakin tuipui fawn vel angin zai r'u.

Chorus 5

A fakna a dai tawh lo'ng,

Khawvel tawp hun thleng pawhin;

Ni tin, kum tin, a fakna a zual zel ang chatuan thlengin,

Lei leh van ral hnu pawhin angel varho nen kan fak ang.

Verse 6

Leia mipui chhiar sen loh leh

van angel chhiar sen loh nen,

Aw Lalpa, i hmangaihna thukzia,

zauzia, seizia, sanzia;

Fa neih chhun pawh zuah lova

kan tan i rawn tirh avangin,

Kan aw neih chhun leh

kan theihtawpin tunah hian kan fak che.

Chorus 7

A fakna a dai tawh lo'ng,

Khawvel tawp hun thleng pawhin;

Ni tin, kum tin, a fakna a zual zel ang chatuan thlengin,

Lei leh van ral hnu pawhin angel varho nen kan fak ang.