225. Malsawmna thisen tuikhurin

Verse 1

Malsawmna thisen tuikhurin,

Khawvel sual chu a tleng fai ta;

Pathian Fapa thatna chuanin,

Ama zarah min tidam ta.

A hnen ata ka vah bovin,

Ka thinlung sualin a lo khat;

Beramno thisena bualin,

Tin, vur aiin ka var ang a.

Chorus 1

Vur aia varin,

Vur aia varin,

Beramno thisena bualin,

Tin, vur aiin ka var ang a.

Verse 2

Hlinglukhum nen a lo tuar a,

Tin, kraws-ah chuan a hneh ta a;

Lungngaih leh hrehawm a tuar chu,

A thlawna tuar a ni lo va.

Faina tuikhur ka thleng thei ang,

Chu chuan ka sual a tifai ang;

Beramno thisena bualin,

Tin, vur aiin ka var ang a.

Chorus 3

Vur aia varin,

Vur aia varin,

Beramno thisena bualin,

Tin, vur aiin ka var ang a.

Verse 4

Pathian hnen ata ka hla ta,

Ka rilruin ka tlan bo va;

Ka rilru sualin a lo khat,

Tuiin a tleng fai zo thei lo.

Isu, Nangmah, tuikhur kiangah,

I thutiam ringin ka lo kal;

I thisenin min bual fai la,

Tin, vur aiin ka var ang a.

Chorus 5

Vur aia varin,

Vur aia varin,

Beramno thisena bualin,

Tin, vur aiin ka var ang a.