510. Famkim lohna khawvela kan cham chhung hi chuanin

Verse 1

Famkim lohna khawvela kan cham chhung hi chuanin,

Lungngaihnaten min hual vel thin a;

Chhandamtu hmun buatsaih hmangaih fate lenna ramah,

Kan lawm a kim tawh ang.

Chorus 1

Fakna hla mawi sain ka zai zel ang,

Zion khawpui kan thlen hunin,

Hmangaihtu Lalpa hmel duhawm chu kan la hmu ngei ang a,

Hlim leh lawmna chuai thei lo chu kan chang ang;

Fak hla mawi remin hlimin kan zai ang.

Verse 2

He khawvel hun leh nite an lo ral hunah chuan,

Lalpan a mite a ram nuamah

Min hruai ang chatuana muanna kim chu kan hmu ngei ang,

Chawlhna ram nuamah khian.

Chorus 3

Fakna hla mawi sain ka zai zel ang,

Zion khawpui kan thlen hunin,

Hmangaihtu Lalpa hmel duhawm chu kan la hmu ngei ang a,

Hlim leh lawmna chuai thei lo chu kan chang ang;

Fak hla mawi remin hlimin kan zai ang.

Verse 4

Lal Isua thisen hlua tlan sa zawngte chuanin,

Hemi khawvela kan cham chhungin,

Rinawmin Lalpa tan i thawk ang u, chawlhna ram nuam

Kan la thleng ngei dawn si.

Chorus 5

Fakna hla mawi sain ka zai zel ang,

Zion khawpui kan thlen hunin,

Hmangaihtu Lalpa hmel duhawm chu kan la hmu ngei ang a,

Hlim leh lawmna chuai thei lo chu kan chang ang;

Fak hla mawi remin hlimin kan zai ang.

Verse 6

Hun tha leh hun lawmawm chhandamna ni a liam mek,

Muang lovin Lalpa chu rawn pan la;

Tlan sate an lenna Van khawpui mawi chawlhna ram nuam,

I la thleng ve ngei ang.

Chorus 7

Fakna hla mawi sain ka zai zel ang,

Zion khawpui kan thlen hunin,

Hmangaihtu Lalpa hmel duhawm chu kan la hmu ngei ang a,

Hlim leh lawmna chuai thei lo chu kan chang ang;

Fak hla mawi remin hlimin kan zai ang.