1. Songs

465. Kan khawvel ni a kin hunah

Mizo HlaBu Pui

Verse 1

Kan khawvel ni a kin hunah,

Lei hlimna a kiang ang;

A mawina leh ropuinate,

An lo ral vek tawh ang.

Tawtawrawt a lo rik hunin,

Lal hmel a lo lang ang;

Vanin khawvel a au vang a,

Lal hmaa ding turin.

Verse 1

Sumdawngtuin a sum zawng zawng,

Kalsan a tul tawh ang;

Lo neituin a thawhrimna,

Chawlhsan a tul tawh ang.

Thuhriltu leh zaipawl zawng zawng,

An lo reh thuap tawh ang;

Vanin khawvel a au vang a,

Lal hmaa ding turin.

Verse 2

Aw hun ropui, aw hun mak tak,

Rorelna ni tur chu;

Krista, Lalin ro a rel ang,

Lalberte Lalber chuan.

A rorel thu a puang ang a,

Ring lote an khur ang;

Ringtute lawmin lut rawh u,

In chatuan hmun - vanah.

Verse 3

Rorelna chu an zawh hunin,

Inthen a tul tawh ang;

Hmangaihtu leh hmangaihte pawh,

Inthen a tul tawh ang.

Mipui sang tam tak tahna nen,

Hremhmun an her liam ang;

Mi felte chu an Pa ramah,

Ni angin an eng ang.

Present this song in WorshipOne →Ready-made slides, chord transposition and mobile remote control.
Share
Transpose in WorshipOneEdit in WorshipOne

More Mizo songs

All songs