461. Å var eg meir deg Jesus lik

Vers 1

Å, var eg meir deg, Jesus, lik,

so hjartevarm og god,

med same kjærleik utan svik

som du i striden stod!

Å, var eg meir med liv og tru

i alle ting som du, som du,

min Gud, kor sæl eg var!

Vers 2

Kven kan få sagt kor stort det var

at du kom til oss her,

og himlen ned på jordi bar

med song av englehær?

Å, var mitt liv ei himmelbru

i alle ting som du, som du,

min Gud, kor sæl eg var!

Vers 3

So sjå meg i mitt hjarta inn,

min frelsar kjær, og seg

um du der inne noko finn

som ikkje er av deg!

Du tankar, ord og liv må snu

mot deg, so eg vert meir som du.

Min Gud, kor sæl eg er!

Vers 4

Ja, bøyg meg, bøyg meg ned for deg,

og set meg ved din fot!

Alt stort og stolt du finn i meg,

du rive upp med rot!

På denne staden vil eg bu,

so vert eg meir som du, som du.

Min Gud, kor sæl eg er!

Refreng

T og M: Mathias Orheim 1907