459. MIHINGTE IN LOLAI AH

Verse 1

Eite in lo i kho a,

Khaici pha i tuh hi;

Pasian in hong etsak a,

Tui buakin khangsak hi;

Phalbi daingo kaisak a,

Khualum zong hong pia hi;

Huih nung in ni hong tang a,

Guah in no suaksak hi.

Chorus 1

Kim leh pam na hoihte,

Pasian hong piak sa hi;

Topa phat un, Topa phat un,

Hong it lua hi.

Verse 2

Na khempeuh a piangsak

Pa, Amah bek a hi hi;

Lam gei-a pakte zem a,

Aksite tangsak hi;

Huih leh tui'n athu mang a,

Vasate an vak hi;

Eite A ta i hi a,

An hong vakzaw hi.

Chorus 3

Kim leh pam na hoihte,

Pasian hong piak sa hi;

Topa phat un, Topa phat un,

Hong it lua hi.

Verse 4

Nong piak na hoihte hangin,

Pa aw, kong phat uh hi;

Lo pawi, an lak hunte in,

Nuntak cidamna hi;

Nong itna thuhkik na'ng in,

Bangmah dang om lo hi;

Hih hang Nang deih lian pen in,

Lungsim nuam khiatna hi.

Chorus 5

Kim leh pam na hoihte,

Pasian hong piak sa hi;

Topa phat un, Topa phat un,

Hong it lua hi.