1. Songs

351. Lawm Khat Ka Nei Hi

Tedim Hymn

Verse 1

Kei in lawm hoih khat ka nei a!

Ka theih ma-in hong it hi;

Ki-itna khau tawh hong kai-a,

Amah tawh hong henkhawm hi.

Keima lungsim hong khih khin a,

Kuamah in phel zolo hi;

Kei Ama aa, Amah kei aa,

A tawntung ding hita hi.

Verse 1

Kei in lawm hoih khat ka nei a!

Hong hon dingin hong si hi;

Nuntakna bek hong pia lo a,

Amah mah hong kipia hi.

Kei neihsa bangmah om lo a,

Ama neihsa hikhin hi;

Lungsimi thatang le nuntakna,

Ama aa hi tawntung hi.

Verse 2

Kei in lawm hoih khat ka nei a!

vangliatna khempeuh nei hi;

Ka lampi ah hong cing ding a,

Innpi ah hong kha ding hi.

Minthanna taang ka galmuh ta,

Hong thahatsak kik ding hi;

Tu'n vil ding, sem ding, do ding a,

Nung ciang kitawlnga ding hi

Verse 3

Kei in lawm hoih khat ka nei a!

Migi thuman, lungnem hi;

Vaihawm siampa lamhilh siampa,

thahat galdo siampa hi.

Hong it Topa ka nei khinta,

hong khenzo ding omlo hi;

Sihna'n hong khen zolo dinga,

Topa aa ka hita hi.

Present this song in WorshipOne →Ready-made slides, chord transposition and mobile remote control.
Share
Transpose in WorshipOneEdit in WorshipOne

More Zomi songs

All songs