423. JESU KUIH KYA KA KHYN

Verse 1

Jesu kuih kya ngaengan te, Amaw

byvaw ka um, A sungsahnaw lungkhu

tuin, Lungdaenaw te ka um;

Ngae oh vaaw ccungccaw hae nynh,

Bya kha hlaw lang sah hae,

Chinaw tui khuraw lang khuin,

Vaawlang khua kya sah hae.

Chorus 1

Jesu kuih kya ngaengante,

Amaw byvaw ka um;

A sungsahnaw lungkhu tuin,

Lung daenaw te ka um.

Verse 2

Jesu kuih kya ngaengante, Tounaw

balyn pong zo, Thinphang lungdei

adae cih, Seinaw kya zo lei lan;

Mitphi luanaw azya cih, Riathaenaw

mah azya, Lae vaw ngaethyanaw

balyn, Vyavya azo kou vae.

Verse 3

A sungsah huapaw Jesu lu, Kae ka

elang a vua, Zungzae tynpaw

Pachia kha, Kae nynh ka doliaku;

Ka chi mawlaezung balyn, Lungpawte

ka um cih, Nizy yn thua mawlaezung

Lungpawte ka um cih.