353. SIAPHARAN CCAAW KA THUA

Verse 1

Kamaw ka Paaw tuh mirumpaw nynh thua,

Lae vaw sisua b’lyn Amaw uccaw nynh thua;

Lungvar sui te ngun tynre balyn kha,

Kamaw ka Paaw sisua a blynte be thua.

Chorus 1

Siapharan Ccaaw a sungsah huapaw

ka thua, Jesu oun Khumtu te

Siapharan ccaaw kae thua.

Verse 2

Ka Paaw Pachia Ccaaw, Khumtu Bawipaw nynh,

Lae vaw ccungcaw hawte a khiakuh bua nyn;

Thuasah atu tuh vaawlang khua um vae, Kamaw

mah vaawlang khua inn hoy yn pyabua cih.

Verse 3

Laephi vawlan khuaccongpaw nynh ka thua,

Seinaw rae tuh ka lungry la thua zah;

Atu tuh Pachia ccaaw lang ka tang vae,

Inn te boei hoyhua sui lukhung ka mue cih.

Verse 4

Bu te inn hoy mah pawlang ka ria khyh,

Vaawlang khe inn hoy huapaw kha yn sakpya;

Rhaw kuih kaw khiakupaw ka thua zemah,

Pachia thehoysah oh cite ka sah cih.