397. KOU PUITHYA E LAEPHHI

Verse 1

Kou apuithya e laephi,

Vaaw nynh mah ngaeang lante;

Namaw nynh leih na rae zah,

Nae sungsahnaw kha alang.

Chorus 1

Tynre Bawipaw namaw kya,

Lungtuanaw hlaw kha ka sah.

Verse 2

Ninthu khuazi kya umpaw,

Asunghua ccyhhoy balyn;

Mua te thingku haetapaw,

Khuanin sawpaw awnaw kya.

Verse 3

Lu kheit te lu kheit sungs’naw,

Nung paaw ccaaw te uno b’lyn;

Vaaw te lae kya umpaw nynh,

Lungnenaw lungthin b’lyn tuh.

Verse 4

Zungzaete namaw kalan,

Sawsangpaw khriccaawbuu;

Sawsangnaw kha khua takyh,

A cciakhaetu hanlan hiin.