415. JESU PHUM HO KA RY

Verse 1

Jesu phum kha ho ka ry, muih leipaw

uccaw kong, Jesu te a lesaenaw,

E bya tuh bya ccaccing; Ho lan kha kou

ka ry nyn, e sungsakunaw bya, Ka lung kha

yn tuasah nyn, e bya tuh baccing nyn.

Chorus 1

Jesu sungsahnaw bya tuh, kae nynh

zungzae ho ka ry, E sungsahnaw

phungpaw tuh, ka lung leih yn tuasah.

Verse 2

Jesu phum kha ho ka ry, ka mang hoypaw

lae hoy, Na tua kho leipaw laeze, ngaeang lan

kou umhua; Kae kha thaw yn cci raria,

Jesu bya ho ka ry, Tukeiccuze kamaw nynh,

zungzae ho lan ka ry.

Verse 3

Jesu phum kha ho ka ry, houh ho ze houh

ahoy, Kae nynh ka ho takyhte, ccungccaw

ohsikuh hae; Pachia oun pyapaw bya kha,

Khumnawpaw bya nynh thua, Abang nynh

thae boi khyh hae, Ho lan kha kou ka ry.