၁၄၁။ ဆူညါပှၤခရံာ်ဖိဧၢ

Verse 1

ဆူညါပှၤခရံာ်ဖိဧၢ, ဆူတၢ်ဒုးအလီၢ်,

အိၣ်ဒီးခရံာ်ထူစုညါ, လဲၤသပှၢ်တၢ်က့ၢ်,

ခရံာ်ကစၢ်ပစီၤပၤ, ဆှၢအပှၤသုးဖိ,

ကွၢ်, အလၣ်အိၣ်ဖျါထီၣ်ပိာ်အခံချ့ချ့ .

Chorus 1

ဆူညါ, ပှၤခရံာ်ဖိဧၢ, ဆူတၢ်ဒုးအလီၢ်,

အိၣ်ဒီးခရံာ်ထူစုညါ, လဲၤသပှၢ်တၢ်က့ၢ်.

Verse 2

ဖဲပှၤဒုးတၢ်ဆူၣ်န့ၣ်, မုၣ်ကီၤလ့ၢ်ဃၣ်ဃ့ၢ်,

တးဒီးပှၤခရံာ်ဖိဧၢ, လဲၤဆူညါထီဘိ,

ဖဲသုကိးပသူထီၣ်, ရာ်ခီၣ်ထံၤဟူးဝး,

ကိးတၢ်စံၤပတြၢၤဒိၣ်, ပုၢ်သ့ၣ်ဝဲသံဧၢ.

Verse 3

ဒ်ပှၤသုဖိဂီၢ်မုၢ်, ခရံာ်အတၢ်အိၣ်ဖှိၣ်,

အိၣ်ဒီးဂံၢ်ဆူၣ်ဘါဆူၣ်, လဲၤလၢညါကြူးကြူး,

အါဂၤအါပူၤဘၣ်ဆၣ်, မ့ၢ်ဒံးနီၢ်တဂၤ,

လၢတၢ်နာ်, တၢ်မုၢ်လၢ်, ဒီးတၢ်အဲၣ်အပူၤ.

Verse 4

ဟီၣ်ခိၣ်ဘီဧိၤမုၢ်ဧိၤ, စီၤပၤခိၣ်သလုး,

ဒ်ဖီလၢတၢ်ပျီပူၤ, ဒံကွံာ်ဒံဖျိးဝဲ,

မ့မ့ၢ်ခရံာ်တၢ်အိၣ်ဖှိၣ်, ဟးဂီၤဝဲတသ့,

ရာ်အတြဲၤဘၣ်ဆၣ်ဒီး, ထီဒါအီၤတသ့.

Verse 5

မၤသးဒ်န့ၣ်ဆူညါ, လဲၤသကိးဒီးပှၤ,

စံးပတြၢၤပစီၤပၤ, လၢတၢ်နၢၤအထါ,

ဟ့ၣ်သကိးလၢယ့ၣ်ရှူး, လၢတၢ်လၤကပီၤ,

ဒီးတၢ်စိကမီၤန့ၣ်, လၢာ်ပသး, အၤမ့ၣ်.