၁၆၈။ စံယိၣ်ဂဲၤထၢၣ်

Verse 1

စံယိၣ်, ဂဲၤထၢၣ်, တၢ်မၤအိၣ်လၢနမဲာ်ညါ,

နဘၣ်တဲဖျါလၢယွၤမ့ၢ်တၢ်ကပီၤ,

ပှၤလၢအတ့ပှၤဟီၣ်ခိၣ်ဖိကိးမၠိဒဲး,

သးအိၣ်လၢပှၤတဟးဂီၤနီတဂၤ.

Chorus 1

တဲဖျါကစီၣ်န့ၣ်, တၢ်မုာ်ကစီၣ်,

ယ့ၣ်ရှူးဟဲဒ်သိးကမၤပူၤဖျဲးပှၤကညီ.

Verse 2

ကွၢ်ကွၢ်, ပှၤအိၣ်ဒံးလၢတၢ်ကုၢ်အလီၢ်ဒီး,

တၢ်ဒဲးဘးကဲကစၢ်ဒီးပၢဘၣ်အီၤ,

တသ့ၣ်ညါဒံးလၢယ့ၣ်ရှူးသံအဂီၢ်န့ၣ်,

ဒ်သိးတၢ်မူအလၢအပှဲၤကဟ့ၣ်.

Verse 3

သုဖိသုလံၤဟ့ၣ်လၢသးခုကစီၣ်ဂီၢ်,

စုလီၢ်ခီၣ်ခိၣ်အါအါဘၣ်ဟ့ၣ်စ့ၢ်ကီး,

တၢ်ထုကဖၣ်မ့ၢ်စ့ၢ်တၢ်လုၢ်ဒိၣ်ပှ့ၤဒိၣ်,

မ့ၢ်ဟ့ၣ်မုာ်မုာ်, ကန့ၢ်တၢ်ဘျုးတၢ်ဖှိၣ်,

Verse 4

ဒီးပကစၢ်လၢတၢ်ကပီၤကဟဲက့ၤ,

တချုးအဟဲ တဲဖျါအဘျုးချ့ချ့ ,

ဒ်သိးပှၤလၢတၢ်ပှ့ၤက့ၤအီၤတဂၤလၢ်,

ကကဲအတၢ်, ဒီးဟါမၢ်နီတဂၤ.