ZOHNA TOH HONG OMPIH IN

Verse 1

Hiai khovel ah hi sualgal a hong lian a,

Van Jerusalem zuan a ka pai lai in;

Ka sung a muan na kha hong kiliin chiang in,

Toupa aw nang hong makaih;

Na kha’n hong ompih in.

Chorus 1

Hong leen in sual na zaan mial ah,

Hong pi in Tuipi lian tung ah;

Ni sim in sual galdouna haksa in lauhuai zong,

Zohna toh Nang hong ompih in aw.

Verse 2

Ziing ninou leh ziingsang daitui bang kia a,

Silpak leh louhingte’ nunna bawl thak zel;

Aw na mite’ nunna pahna om nawn lou,

Pahna daitui in na kha toh hong om pih in.

Chorus 3

Hong leen in sual na zaan mial ah,

Hong pi in Tuipi lian tung ah;

Ni sim in sual galdouna haksa in lauhuai zong,

Zohna toh Nang hong ompih in aw.

Verse 5

Aw ka Zogam lei uh mohna’n dim zouta,

Khelhnate hong lian a nisim in hon tuam;

Leitung nopsakna sung ah kibual ta ung,

Toupa aw nang hong ngilh ung;

Ngaihdamna hong pia in.

Chorus 6

(Hong leen in sual na zaan mial ah,

Hong pi in Tuipi lian tung ah;

Ni sim in sual galdouna haksa in lauhuai zong,

Zohna toh Nang hong ompih in aw.)x2