HONG TONPIH IN

Verse 1

Topa aw, hi lai ah om ing

Nang in nong mu gige hi

Tangtel bang lel ka nuntakna

Kei leltak nong teel sese

Pilna siamna, hauhna liatna

Hoihna, phatna ka nei lo

Muanding suanding, ki sialh pih ding

A dang, ka nei lo

Verse 1

Mite bangin thugen lasak

Kamhoih, kampau siamna nei keng

Ka dang awk in, ka pau awk e

Cinna khat zong nei keng

Ka lungsim ngaihsutna khempeuh

Nang teltak nong thei khin hi

Kicing lote, nong kicing sak zel

Ka siamlohna, nong siam to sak zel maw

Chorus 2

Azum, ahiam, lau-huaina pan in

Kei hong kem in aw

Ka kalsuan zia ding, lam hong hilh zel aw

Na deihna bang in

Lam hong lak in, Kha Siangtho aw

Ka paina khempeuh, a tawntung in

Hong tonpih den aw, lam hong pi den aw

Verse 3

Topa aw ka nuntakna

Kong ki pia hi a vekpi’n

Ka kam, ka muk, ka aw, ka lei

Na minthan na’ng hi ta hen

Nangma mizat, galkap hangsan

Phu ngam, si ngam, lungkia ngei lo

Thumanna le cihtakna tawh

Nungta kalsuan, mi hong hisak aw

Verse 4

Naupangno khat lel ka hi

Ka theihna a tawmlua e

Ze-etna sung ka puk loh na’ng

Kei hong cing, hong kem den aw

Kha Siangtho aw, lam hong pi in

Nang kong kisam pha pen hi

Ka mailam kalsuanna ah

Chorus 5

(Azum, ahiam, lau-huaina pan in

Kei hong kem in aw

Ka kalsuan zia ding, lam hong hilh zel aw

Na deihna bang in

Lam hong lak in, Kha Siangtho aw

Ka paina khempeuh, a tawntung in

Hong tonpih den aw, lam hong pi den aw) X2

Ka paina khempeuh, a tawntung in

Hong tonpih den aw, lam hong pi den aw