99. KA HANLAN JESU

Verse 1

Bawi Jesu laeze lae vawlan,

Ngaehoi lanpaw um khyh,

Ka hiin lungkhu sah lanpaw hlaw,

Ka hanlan Bawi Jesu;

Ka hanlan vawsawnaw a te,

A laepaw chii te phe yn sing,

Pachia te yn ccawsaku vae,

Kae ka hanlan Jesu.

Verse 1

Lae vaw hoinaw ka ngaehoi khyh,

Kae ka hanlan Jesu, Lae vaw uccaw ka

ry vae khyh, Ka hanlan Bawi Jesu;

Laephi hoirum tuh tyn lan khyh,

Pawpaw balyn aro kou cih,

Ka lungtuanaw thang boi lan khyh,

Kae ka hanlan Jesu.

Verse 2

Ryachikhaevaw ka ingnaw te,

Kae ka hanlan Jesu, Ka hoynaw kha

Bawipaw a ny, Ka hanlan Bawi Jesu;

Ka hoipaw te ka uccaw b’lyn,

Lae vawlan tuh shung lan zemah,

Lae vaw uccaw ka ngaehoi khyh,

Kae ka hanlan Jesu.

Verse 3

Rhaw kuih lungkhu ka thua zemah,

Kae ka hanlan Jesu, Ronaw nynh yn

koih salamah, Kae ka hanlan Jesu;

Lae vaw rhaw dounaw rinaw nynh,

Ka muisaw kha dou salamah,

Bawipaw min te ka tae vae cih,

Kae ka hanlan Jesu.