76. POU BETHLEHEM KHUA TARAW

Verse 1

Pou Bethlehem nang khua taraw,

Daebabi lante na um,

Ziraccyng khe nang na kyate,

Vaawlang te awsi yn lang;

Daenaw laanpi kyakhe,

Azungzaete leih a aw,

Kum saepi ngaehoite rinaw,

Namaw kyate yn thua.

Verse 1

Pou nanning vaawlang awsi hae,

Mithyaa puinaw kong ho oh,

Pachia thehoysah ccungccaw kya,

Daenaw yn umsah cite;

Mary kyate Khri a pui,

Vaaw ccungccaw pumkuh hae,

Ziraccyng khe oun rung hae zah,

Sungsahnaw te do hae.

Verse 2

Daebabi ngaeang ru huapaw,

Lasung kha oun pya vae nyn,

Pachia nynh a vaaw hythuanaw,

Lae vaw ccungccaw kha oun pya;

Lae vaw ccungccaw nynh a the

thae kho khyh hae zemah,

Lungne hae paw lungkhu balyn,

Khri nynh a tee cih.

Verse 3

A thyaapaw Bethlehem imua,

Kaening kyahin yn rungtua, Kae

lungkhu sei thyaasah kho nawlan,

Tee lah tunin yn puitua;

Vaaw hae nynh Khrimas lungtuanaw,

Bya hopaw ka thae, Bawipaw rangtua

kaening kalan, Ah Bawipaw Emmanuel.