501. KUM THAW

Verse 1

Tukeiccuze ka lungtuanaw te ka bawilukhung na thua oh paw

ka sungsah hae zah kou ka ngae hae paw, ka uno hae, Bawipaw

kya tynkaring lan thadyn oh, kou ka sungsah hae paw.

Verse 1

Ryachinaw kya hiinzia ka thya zah

hoirumnaw kya hiinzia ka thya; vueso zemah,

vuelaw zemah, hoirum zemah, ryachi zemah

teitei balyn kya te atyn-are kya umzia

byaphi kha ka ccangkuh vae.

Verse 2

Thawzung yn pyatupaw

Khri liate pawpaw balyn ka cyih kho.

14 Thuasalama ka vawsawnaw

kha neethungkubua te kou hoy lan na cyi vae oh.

Verse 3

Bawipaw kya nae lungtua zungzae sah.

Bua kae ho hin, nae lungtua sah.

Verse 4

Pawpaw konglang mah nae thinphang nan sah

pawpaw balyn kya lungtuabya hote,

sawsangnaw te ngianaw liate na ngia ry oh

paw kha Pachia nysah oh.

Verse 5

Ccungccaw tuanaw balyn nynh a phya kho leipaw

Pachia kya-e daenaw nynh Jesu Khri liate

nae thinlung te nae tuanaw kha ae khynsah cih oh.

Verse 6

Uteno hae, tuh-e tuh phe ka ccou vae cite

ka tuakuh khyh, thuasalama ka cyipaw

uccaw ccangkheit tuh: nulang e uccaw hae kha ningte,

malang umpaw uccaw hae kha phya lan ka zuaku

Verse 7

Khri Jesu liate Pachia nynh vaawlang

oun konaw te asekuhpaw lasung

kha mue khylan eenaw kuetung kalan ka ccuebua.

Verse 8

Nyathyakou lang uteno hae, ahmepaw,

sawtua lan umpaw, adingpaw, athyaapaw,

ry lan umpaw, thehoysah lan umpaw;

ccangkhakheit tuh aphute lanze,

thehoysah lan angaeku lanze tuh-e

hae tuh nae thinlung kya la tua oh.

Verse 9

Kamaw kyate na ccangku oh paw,

na lawku oh paw, na thae oh paw te na muih oh

paw kha la cyih oh, daenaw Pachia tuh nae kya a um cih.