1. Songs

46. Pathian hmangaihna chungnung ber

Mizo HlaBu Pui

Verse 1

Pathian hmangaihna chungnung ber,

Van lawmna leia lo lang;

Kan thinlung tlawm hi rawn luah la,

I rinawmzia lantirin.

Isu, khawngaiha khat i ni,

Hmangaihna tawp nei lo thianghlim;

Min kan la, i chhandamnain.

Nang ngai thinlunglah lut rawh.

Verse 1

Min rawn pawl la i Thlarauvin,

Thinlung ngui leh chau zawngte;

Kan rochan Nang nen luah dunin,

Chawlhna tiam min thlen ang che.

Sual tih chakna hi la bovin,

Alpha leh Omega chu;

Kan rinna bul leh tawp ni la,

Zalenna min pe ang che.

Verse 2

Min chhan chhuak la, Engkimtithei,

Khawngaihna min chantir la;

Lo kir thuai la, cheng reng turin,

I chen nan min siam ang che.

Nangmah chauh kan fak fo vang che,

I rawng pawh kan bawl fo vang;

Bang lova tawngtai leh fakin,

I hmangaih kan chhuang ber ang.

Verse 3

I thil siam tharah min siam la,

Thianghlim bawlhhlawhh kai lovin;

Chhandamna famkim chu changin,

Nangmah nen inrem lehin.

Ni tin ropui deuh euh zelin,

Vanramnuam kan thlen thlengin;

Chutah kan lallukhum dahin,

Hmangaih fakin kan leng ang.

Present this song in WorshipOne →Ready-made slides, chord transposition and mobile remote control.
Share
Transpose in WorshipOneEdit in WorshipOne

More Mizo songs

All songs