1. Songs

458. LUNGTUA HAE PAW RNAGTUA OH

ZOTUNG HYMNAL

Verse 1

Ccatan loo kya hlawsah tua,

Looh nungnaw byng kya ruin lan,

Ccatan a rue kou vae hae;

Ah rypaw b’lyn ccing nawlan,

Houh oun pya cih Pachia nynh,

Bawipaw beikinn lang tee lah,

Lungtuanaw hlaw kha sahtua.

Verse 1

Loo do-oihtupaw Pachia, Laephi

vawlan balyn yn thua, Lonua

ccatan pynkheihlan, oun le tuh

azawkheih hae; Avui kha yn pou te-

tuh, Avui kha he yn voi vae,

Looh hoypaw haw thua nawlan,

Pou Bawipaw thaw beih oun ccih.

Verse 2

Kaening kha law khylan te, thuathui

lante bya nae kin, Kaening balyn

nynh kae thae, Lae vaw te ramkaw

balyn; Maee te nae rua koute tuh,

Byng kya ccatan nung lan vae,

Vaaw ccungccaw hae balyn kha,

Namaw nynh na naw cih hae.

Verse 3

Bawipaw yn rungtua ccavae,

Vaawlang um hae paw ryte, Vaawram

te be kotua hae, Bawipaw kalan

thua khylan; Athya ahoypaw balyn,

Lungtuanaw hlawsah khylan,

Namaw sui beikinn lungkhu,

Ccungccaw balyn pumtua hae.

Present this song in WorshipOne →Ready-made slides, chord transposition and mobile remote control.
Share
Transpose in WorshipOneEdit in WorshipOne

More Zotung songs

All songs