394. BAWI KHRI TE KHRICCAWBUU HANLAN

Verse 1

Bawi Khri te khriccaawbuu hanlan cite,

Siakhaetua oh ah Siapharan min thehoysah;

Mino thawzung te law lan zuakuh oh sih,

Lungthawsaete phung elang zuakuh oh sih.

Chorus 1

Khum Bawi Jesu elang kha, A chii te

oun repaw; Amaw nynh khriccaawbuu

elang, Bawipaw oun thyaasah tua.

Verse 2

Bawi Khri te khriccaawbuu hanlan cite,

Sawsang te vaelan nin takyh puihku oh sih;

Thyaa Muisaw thawsaenaw doliaku khate,

Accyh hoi lyahin a ryalaw lah oh sih.

Verse 3

Bawi Khri te khriccaawbuu hanlan thawzung,

Hawnaw sui te ngun ah sisua te accyh mah;

Amaw tuh ah hoi oh paw b’lyn lae hoyhua,

Ah lungthin b’lyn sungsahnaw te pya oh sih.

Verse 4

Bawi Khri te khriccaawbuu hanlan cite,

Pooku lysaku, maw hanlan kyalya tuanaw;

Ah vua oh te ah Bawipaw a ram langkhe,

Lungtuate aening zungzae haung lan vae.