341. ZYNNAW TUH TAENAW NYNH THUA

Verse 1

Nanning khriccaaw rhawkaw balyn,

Tho oh malang cceih oh, Khuanin

awpaw khuazinaw nynh, A khaw maw

khe cceih oh; Aening ah rhaw ri huapaw

kha, Taenaw cia dou oh sih,

Zynnaw te laephi a taetu,

Athuapaw kha kae nyh cih.

Chorus 1

( Zyntu taenaw athua ) 2

Laephi taetu nynh athua,

Taenaw le huapaw tuh.

Verse 2

Sungs’kunaw ka syntawkunaw,

Pachia bya kae thaloi, Mithyaa nynh

zui hae paw laanpi, Aening mah zuibua

lan; Zynnaw te khua takyh langkhe,

Khiccung hawte cceih oh,

Chinaw taenaw hae paw zynnaw,

Ah phua nynh athua vae.

Verse 3

Seinaw rhaw kha a taepaw tuh,

Boei rawpaw pya cih hae, Vaawlang

mithyaa hae malang khe, A min ah

ho cih hae; Tuinte awnaw mua

vawlan te, Malang ah cceih cih oh,

Mohnaw rhawkaw ah tae cih oh,

Bawipaw Jesu min te.