334. A ZUNGZAL KAN IT LAN LAI LO

Verse 1

A zungzal kan it lan lai lo,

Lunglawmhnak khua a dei lai,

Thawhthan zing ah kan i tong lai,

Thennak kha um ti lo in;

A thukbik tilian chungin le,

Thetse rawn ramchung zong in,

Fing le tlang kar khua-zakip in,

Mi tampi an tho than lai.

Chorus 1

A zungzal kan it lan lai lo,

Lunglawmhnak khua a dei lai,

Thawhthan zing kan i ton tikah,

Thennak a um ti lai lo.

Verse 2

Pangpar bantuk aa dawh ngaingai,

Kan lawmhnak nganbik te kha

A nih he kan i then tikah,

Ngaih-chiatnak kha a ngan ko;

Ni a tlak dengmang hlan tiangin,

Thlan pawngah cun kan i hel,

Kannih pangpar a uai caah,

Kan ruahchannak a dul cang.

Chorus 3

A zungzal kan it lan lai lo,

Lunglawmhnak khua a dei lai,

Thawhthan zing kan i ton tikah,

Thennak a um ti lai lo.

Verse 4

A zungzal kan it lan lai lo,

Thawhthannak ni a ra lio,

Nunnak a kan petu Bawipa,

Thangthatnak kha hmu ko seh,

A kan laaknak vanram ah khin,

Zungzal ceunak khuapi ah,

Thihnak hmual a um ti lai lo,

Tah zong a um ti lai lo.

Chorus 5

A zungzal kan it lan lai lo,

Lunglawmhnak khua a dei lai,

Thawhthan zing kan i ton tikah,

Thennak a um ti lai lo.