1. Songs

305. Keimah Zong!

Tedim Hymn

Verse 1

Thupha guah bang hong zuk ka za,

Nang nong piak hi, Topa aw;

Keigaw tak gam hing kiksak ta,

Kei tung zong hong zusak aw.

Kei tung zong, kei tung zong,

Kei tung zong hong zusak aw.

Verse 1

Mawhna tawh ka kidim zongin,

Hong paisan ke'n Topa aw;

Nusiat mi ka hi zongin,

Keimah hong hehpih lai aw.

Kei mah zong, kei mah zong,

Kei zong hong hehpih lai aw.

Verse 2

Hong kheng kei in maw, ka Honpa,

Nang hong itsak beelsak in;

Nong angvan ding ka lunggulh ta,

Topa aw, kei hong sam in.

Kei mah zong, Kei mah zong,

Topa aw, kei hong sam in.

Verse 3

Hong kheng kei in, Kha Siangtho aw,

Mittaw khua na musak khin;

Jesuh' hoihna lakkhiapa aw,

Kei zong thupha hong pia in.

Kei mah zong, kei mah zong,

Kei zong thupha hong pia in.

Verse 4

Pasian' itna kipin siangtho,

Jesuh' sisan manpha pen;

Pasian'hehpihna'n mong nei lo,

Kei sung hong kilang tahen.

Kei mah zong, kei mah zong,

Kei sung hong kilang tahen.

Verse 5

A mangthangte Na khop laitak,

Na ang sungah hong pom in;

Nuntakna tui a phul laitak,

Kei zong thupha hong pia in.

Kei mah zong, kei mah zong,

Kei tung thupha hong pia in.

Present this song in WorshipOne →Ready-made slides, chord transposition and mobile remote control.
Share
Transpose in WorshipOneEdit in WorshipOne

More Zomi songs

All songs