288. Lal hnena awm fovin

Verse 1

Lal hnena awm fovin;

Ni rawh se, ka ti thin;

Khi lama ka han thlen veleh,

Ka thi leh thei lo vang.

Ka taksain min dal,

A hnena kal turin;

Nimahsela, zan tin, zan tin,

Ka hnaih lehzual zel thin.

Chorus 1

Ka hnaih deuh, ka hnaih deu,

Ni tin ka hnaih deuh thin.

Verse 2

Ka awmna hmu turin,

Ka chak em em fo ve;

Ka Pa in chu a chang changin,

Ka rilruan a lang.

A changin ka tap,

Ka hmuh duh fo vangin;

Mi thianghlim awmna ropui chu,

Jerusalem ka ram.

Chorus 3

Ka hnaih deuh, ka hnaih deu,

Ni tin ka hnaih deuh thin.

Verse 4

Ka sualna hi chhum angin,

Ka rilruan a zing;

Thim zingah hian rin nei lovin,

Lungngai takin ka awm,

Amah ka ngaihtuahin,

Ka lungngaih a bo thin;

Chhum zawng zawng min tilawm lo kha,

A kiang leh vek thuai thin.

Chorus 5

Ka hnaih deuh, ka hnaih deu,

Ni tin ka hnaih deuh thin.

Verse 6

Chhun lai leh zanah pawh,

Van lama hla ka hria;

Khawvel hla mawi zawng zawng khumtu,

Hnehna hla mawi ber chu.

Chu lawmna ber thu chu,

I aupui nasa ang;

Lal hnena awm reng ka duh hi,

Ka sawi tawp thei lo vang.

Chorus 7

Ka hnaih deuh, ka hnaih deu,

Ni tin ka hnaih deuh thin.