169. PACHIA PEENAW A NAE VAE

Verse 1

Vaawlang ahoy peenaw Muisaw khua nynh palei

maw yn ngaw, Kum takyhte mithyaa hae leih

khoikuh hae; Vaawlang khua peenaw ninsaw nynh

Houhouhmaw yn nae ccarei, Vaawlang

Peenaw nynh houhouh yn naebia vae.

Chorus 1

( Vaawlang peenaw Muisaw khua kha anae vae, ) 2

Ka muisaw la paccynkuh; Hiinnaw mungkae oun

tu cih hae, alesae hiin pee Pachia yn lang cih.

Verse 2

Vaawlang khua Pachia Muisaw khua hoy ngaehoinaw

lungthin te, Khumtu Pachia langku lanpaw ngaw oh paw;

Oun luesah vae lae vaw Satan see lang ah tang oh paw

b’lyn, Vaawlang Peenaw nynh houhouh yn nae bia vae.

Chorus 3

( Vaawlang peenaw Muisaw khua kha anae vae, ) 2

Ka muisaw la paccynkuh; Hiinnaw mungkae oun

tu cih hae, alesae hiin pee Pachia yn lang cih.

Verse 4

Vaawlang peenaw kha phe tynte Ale Pachia kha muih

lan, Oun shawtupaw kha yn langkuh ty cih; Haleluja a

chii te phe oun re vae hythuanaw nynh, Vaawlang

Peenaw nynh houhouh yn naebia vae.

Chorus 5

Vaawlang peenaw Muisaw khua kha anae vae, ) 2

Ka muisaw la paccynkuh; Hiinnaw mungkae oun

tu cih hae, alesae hiin pee Pachia yn lang cih.

Verse 6

Khaw aro keiccu e laephi hae kha mih vaw kou asaw,

Eih ropaw te ccungccaw balyn mih lungroh; Vaawlang

kong kha thanccang lante mih thaw myn muinsah

oh sih, Vaawlang Peenaw nynh houhouh yn nae bia vae.

Chorus 7

( Vaawlang peenaw Muisaw khua kha anae vae, ) 2

Ka muisaw la paccynkuh; Hiinnaw mungkae oun

tu cih hae, alesae hiin pee Pachia yn lang cih.