1. Songs

103. JESU LIATE TAENAW

ZOTUNG HYMNAL

Verse 1

Phungpaw pynkheit ka thae nyn, Vaawlang

te yn rung Khumtu Bawi, Kalvari vaelan kya

chinaw ing, Seinaw kyate yn Khum; Ka

hanlan chii yn laepya, Vawsaw riathae te

sianaw roi, Seinaw ka ngaesiku liate,

Atu taenaw ka mue.

Chorus 1

Taenaw ka mue atynpaw, Yn

Khumtu Jesu kya, A chiite ka seinaw,

Thyaasah khylan yn re; Ka ny mawze

phe yn ny, Yn sungsah zah phe yn

Khum, Tukeiccu yn Khumpaw Bawi,

Kae mah ka sungsah ru.

Verse 2

Yn dansahnaw the ka thae, Amaw huhan

yn langsaku, Ccukhou hae mah phe cceih

kho vae hae, Mit zupaw ngaw a muih; Ka

sungsahhua pou Bawipaw, Kae kha dannaw

yn pyabua tua, Amaw ka kalan yn cceih zah,

Taenaw hlaw ka sah cih.

Chorus 3

Taenaw ka mue atynpaw, Yn

Khumtu Jesu kya, A chiite ka seinaw,

Thyaasah khylan yn re; Ka ny mawze

phe yn ny, Yn sungsah zah phe yn

Khum, Tukeiccu yn Khumpaw Bawi,

Kae mah ka sungsah ru.

Verse 4

Vaawlang inn hoy the ka thae, Kae ka hanlan

yn raepya vae, Sui laanpi kalan kha yn

cciasah, Hiinnaw ram lang yn hoei;

Khumnaw hythua thehoynaw, Vaaw hae

nynh hlaw leih a sah hae, Vaaw hae hawte

Tuh-e ram kya, Taenaw hlaw ka sah cih.

Chorus 5

Taenaw ka mue atynpaw, Yn

Khumtu Jesu kya, A chiite ka seinaw,

Thyaasah khylan yn re; Ka ny mawze

phe yn ny, Yn sungsah zah phe yn

Khum, Tukeiccu yn Khumpaw Bawi,

Kae mah ka sungsah ru.

Present this song in WorshipOne →Ready-made slides, chord transposition and mobile remote control.
Share
Transpose in WorshipOneEdit in WorshipOne

More Zotung songs

All songs