၆၀။ လံာ်စီဆှံန့ၣ်ပဟံးဃာ်

Verse 1

လံာ်စီဆှံန့ၣ်ပဟံးဃာ်, မ့ၢ်ယွၤအလံာ်ဒၣ်ဝဲ,

မ့ၢ်ပှၤသးပှၢ်အတၢ်သန့ၤ, ဒုးနဲၣ်ဖိသၣ်အကျဲ,

မ့ၢ်မ့ၣ်အူဒၢဒီးဒုးကပီၤ, ပကျဲလၢဟီၣ်ခိၣ်လာ်,

မ့ၢ်တၢ်တဲဖျါယ့ၣ်ရှူးတၢ်အဲၣ်, ဒီးဒုးလီၣ်ဖျါထီၣ်ယွၤ.

Chorus 1

လံာ်စီဆှံန့ၣ်ပဟံးဃာ်, တၢ်ဂၤတတဲဖျါဘၣ်,

မ့ၢ်ပှၤသးပှၢ်အတၢ်သန့ၤ, ဒုးနဲၣ်ဖိသၣ်အကျဲ.

Verse 2

လံာ်စီဆှံန့ၣ်ပဟံးဃာ်, တၢ်ဂၤတတဲဖျါဘၣ်,

ကျဲလၢအဆှၢပသးအအၢ, ဒ်သိးကပူၤလရာ်,

ဒ်သိးကန့ၢ်မူခိၣ်တၢ်မုာ်, လံာ်စီဆှံဒုးနဲၣ်ပှၤ,

တဲပှၤယ့ၣ်ရှူးအသွံၣ်အထံ, သ့စီပတၢ်ဒဲးဘး.

Verse 3

လံာ်စီဆှံန့ၣ်ပဟံးဃာ်, တုၤလၢပသံပပှၢ်,

တၢ်မုၢ်လၢ်လၢ်ခဲကိာ်တဃၣ်, အဂၤပဃုတဘၣ်,

တုၤတၢ်သံဒိၣ်ဟဲကိးက့ၤပှၤ, ပနာ်က့ၤလံာ်စီဆှံ,

သူၣ်ပျံၤသးဖုးဟါမူၤဟါမၢ်, ပန့ၢ်သူမံသးမံ.